Туркиянинг "Фенербахче" клуби жамоа бош мураббийлигига Доменико Тедескодан ташқари 7 нафар номзодни кўриб чиққанди. Бу ҳақда клуб президенти Али Коч маълум қилди. Аввалроқ у жорий мавсумдаёқ чемпионлик унвонини қўлга киритишини мақсад қилганди.
"Биз 7-8 нафар мураббий билан гаплашдик. Немис мактабига устунлик берилди. Биз энди бирорта ҳам португалча исмни эшитишни истамадик", - дея клуб раҳбарининг сўзларини келтиради SporX нашри.
Номзодлар рўйхатида Рожер Шмидт, Лучано Спаллетти, Филипе Луис, Себастьян Хёнесс, Марко Розе ва Эдин Терзич бор эди. Бироқ танлов Тедескога қаратилди.
