Бразилиялик ҳимоячи Ренан Лоди "Ал-Ҳилол"ни ўз ихтиёри билан тарк этди. Бу ҳақда Globo хабар бермоқда.
Лоди 2024 йил январида клубга қўшилиб, 3,5 йиллик шартнома имзолаган эди. Бу йилги мавсумолди тайёргарлигидан сўнг футболчи Саудия Арабистони чемпионатида ўйнаш имконияти йўқлигини билиб қолди (Лоди бу тақиқнинг сабабини айтмади). Футболчи тақиқни бекор қилишга ва жамоа раҳбарияти билан келишувга эришишга уриниб кўрди, аммо ҳеч қандай натижага эриша олмади. Ҳуқуқшунослар билан маслаҳатлашгач, у ватанига қайтишга қарор қилди.
Чемпионатга рўйхатдан ўтмаганлиги сабабли, Лоди ўз касби билан шуғулланиш ҳуқуқидан маҳрум этилиши мумкин эмаслигини таъкидлади. Саудия клуби эса барча зарур ҳуқуқий чораларни кўришини аллақачон маълум қилди.
