Каталониянинг "Барселона" клуби ҳужумчиси Ламин Ямал Испания Ла Лигасининг жорий мавсумида чемпионлик учун кураш борасидаги саволга жавоб берди.
- Мадриднинг "Реал" ва "Атлетико" клублари анча кучайди. Чемпионлик учун курашда ким кучлироқ бўлади деб ўйлайсиз?
"Иккала жамоа ҳам жуда рақобатбардош, аммо охир-оқибат, агар биз ўз ишимизни яхши бажарсак, ҳаммаси ўзимизга боғлиқ бўлади, деб ўйлайман", - дея Ямалнинг сўзларини келтиради Mundo Deportivo.
Айни вақтда "Реал" Испания чемпионати турнир жадвалида пешқадамлик қилмоқда. Хаби Алонсо шогирдлари 4 ўйиндан кейин 12 очко жамғаришди. "Барселона" уч ўйиндан кейин 7 очко билан бешинчи ўринда бормоқда. "Атлетико" 4 ўйинда 5 очко жамғариб, 9-ўринда бормоқда.
