"Манчестер Сити" ҳужумчиси Эрлинг Холанд "шаҳарликлар"нинг ҳозирги жамоаси ва унинг аввалги версиялари ўртасида қандай фарқ борлиги ҳақида жавоб берди.
"Биз шундай ўйнадикки, ҳамма нарсада ғалаба қозондик ва бу ажойиб эди. Ўйлайманки, энди футбол ўзгаради.
Ўтган мавсумда "ПСЖ" ва "Ливерпуль" йўлида учраган барчани шунчаки супуриб ташлаганини ҳамма кўрди. Бунга мослашиш керак. Албатта, сиз ўз тамойилларингизга амал қилишингиз керак, лекин сиз бирга ўйнайдиган одамларга бироз мослашишингиз ҳам керак", - дея Ҳоланднинг сўзларини келтиради Sky Sports.
Ўтган мавсум якунларига кўра "Ливерпуль" Англия чемпионига айланди. "ПСЖ" Чемпионлар Лигаси, Лига 1, Франция Кубоги ва Суперкубогида ғолиб чиқди.
