Бутунжаҳон универсиадасининг бокс мусобақаларида Ўзбекистон терма жамоасининг бешинчи вакили ҳам финал йўлланмасини қўлга киритди.
Ярим финалда франциялик Дайлан Брегунга қарши рингга кўтарилган 91кг. вазнда юртимиз шарафини ҳимоя қилаётган Рустам Тўлаганов уч раунд натижаларига кўра, рақибига ҳеч қандай имконият қолдирмади ва финалга йўл олди.
Энди Рустам финалда россиялик Евгений Тишенкога қарши рингга чиқади. Тишенко ярим финалда Литва вакили Тадас Тамасаукасни мағлубиятга учратди.