"Манчестер Сити" бош мураббийи Хосеп Гвардиола яна бир бор Жанлуижи Доннаруммани ўз сафига қўшиб олгани ҳақида гапирди.
Италиялик футболчи "шаҳарликлар" сафида "Манчестер Юнайтед"га қарши дербида дебют қилди. Учрашув Гвардиола жамоасининг 3:0 ҳисобидаги йирик ғалабаси билан якунланди.
"Биз катта тажрибага эга футболчини қўлга киритганимизни биламиз. Айниқса, у ўтган мавсумда "ПСЖ"да ўзини кўрсата олди. Жанлуижи Премьер-лигада ўз кучини синаб кўрганидан хурсанд, у бу саргузаштдан завқ олмоқчи. Унинг бизга ўтишга қарор қилгани жуда яхши бўлди. Бизда шундай футболчи борлигидан жуда хурсандмиз," - дея испаниялик мураббийнинг сўзларини келтиради "Gazeta.Ru."
