"Барселона" бош мураббийи Ханс-Дитер Флик жамоаси уй учрашувларини яна "Камп Ноу"да ўтказишини кутмоқда.
"Кўк-анорранглилар"нинг ўз майдонларига қайтиши чўзилмоқда. Якшанба куни каталонияликлар "Валенсия"ни бор-йўғи 6 минг томошабинга мўлжалланган "Йоан Кройфф" стадионида қабул қилди. Учрашув майдон эгаларининг 6:0 ҳисобидаги ғалабаси билан якунланди.
"Бу яхши стадион, у бизга мос келади, аммо "Камп Ноу"га қайтиш жамоа, мухлислар ва биз мураббийлар учун катта воқеа бўлади. Ўйинларни "Камп Ноу"да ўтказишимизни истайман, лекин буни биз ҳал қилмаймиз. Вазиятни қабул қилишимиз ва олдинга силжишимиз керак," - деди Флик ўйиндан кейинги интервьюсида.













