"Барселона" Ламин Ямалнинг Испания терма жамоасида ишлаётган вақтида олган жароҳатидан норози. У якшанба куни бўлиб ўтган Ла Лиганинг "Валенсия"га (6:0) қарши ўйинини белидаги муаммолар туфайли ўтказиб юборишга мажбур бўлди.
"Барса" спорт директори Деку бу ҳақида гапирди.
"Мен Фликнинг фикрига қўшиламан. Биз клублар ва терма жамоалар ўртасидаги алоқани яхшилашимиз керак, ўзаро ҳамкорлик янада самарали бўлиши керак. Футболчилар жуда кўп жисмоний зўриқишлардан азият чекмоқда.
Биз мураббийимизнинг позициясига тўлиқ қўшиламиз.
Ямал "Барселона" учун ҳам, Испания терма жамоаси учун ҳам муҳим ўйинчи, биз кўпроқ эҳтиёт бўлишимиз керак", - деди Деку.
