"Барселона" ярим ҳимоячиси Марк Берналь Англия Премьер-лигаси клублари эътиборига тушиб қолди. 18 ёшли футболчининг трансферига "Челси", "Эвертон" ва "Брайтон" клублари қизиқиш билдирмоқда, деб хабар беради Mundo Deportivo. Якшанба куни ёш ҳимоячи "Валенсия"га қарши ўйинда (6:0) захирадан майдонга тушди. Эслатиб ўтамиз, испаниялик футболчи хочсимон пайининг узилиши туфайли узоқ вақтга сафдан чиққан эди.

Марк Берналнинг нархи машҳур Transfermarkt портали экспертлари томонидан 5 млн еврога баҳоланмоқда. Хавбекнинг "Барселона" билан шартномаси келаси ёзда тугайди, аммо томонларнинг ўзаро келишувига кўра автоматик равишда узайтирилиши мумкин.