"Barselona" yarim himoyachisi Mark Bernal Angliya Premyer-ligasi klublari e’tiboriga tushib qoldi. 18 yoshli futbolchining transferiga "Chelsi", "Everton" va "Brayton" klublari qiziqish bildirmoqda, deb xabar beradi Mundo Deportivo. Yakshanba kuni yosh himoyachi "Valensiya"ga qarshi o‘yinda (6:0) zaxiradan maydonga tushdi. Eslatib o‘tamiz, ispaniyalik futbolchi xochsimon payining uzilishi tufayli uzoq vaqtga safdan chiqqan edi.
Mark Bernalning narxi mashhur Transfermarkt portali ekspertlari tomonidan 5 mln yevroga baholanmoqda. Xavbekning "Barselona" bilan shartnomasi kelasi yozda tugaydi, ammo tomonlarning o‘zaro kelishuviga ko‘ra avtomatik ravishda uzaytirilishi mumkin.
