Миланнинг "Интер" клуби бош мураббийи Кристиан Кивунинг жамоа футболчиларига нисбатан эътирозлари бор.
"Нерадзуррилар" А Сериянинг сўнгги турида "Ювентус"га имкониятни бой бериб қўйди (3:4), ўйин охирида эса икки бор гол ўтказиб юборди. Журналист Паскуале Гуарронинг ёзишича, руминиялик мутахассис туринликлар билан ўйиннинг муҳим эпизодларида керакли даражада жонбозлик кўрсатмаган футболчилардан жуда ғазабланган. Устоз матбуот анжуманида журналистларга босиқлик билан жавоб берган, кийиниш хонасида эса анча очиқ ва дангал гапирган, дейди манба.
Кристиан Киву ёз бошида "Интер"да "Ал-Ҳилол"га кетган Симоне Индзагининг ўрнини эгаллади.
