"Барселона" бош мураббийи Ханс-Дитер Флик жамоанинг август ойидаги ўйинларидан қониқмаган эди.
Футбол бўйича Ла Лиганинг 4-турида Каталония гранди 14 сентябрь, якшанба куни "Валенсия"ни мағлуб этди (6:0). Немис мутахассиси ўйинчиларнинг ўйинини юқори баҳолади, аммо олдинги учрашувлар ҳақида бундай деб бўлмасди. Sport хабарига кўра, мураббий терма жамоалар ўйинлари олдидан футболчиларни огоҳлантирган. Мутахассис чемпионатнинг дастлабки учта турида, жумладан, "Райо Вальекано"га қарши кечган учрашувда (1:1) кўрсатилган ўйин савиясидан қониқмаганига ишора қилди.
"Барселона" турнир жадвалида ўн очко билан иккинчи ўринда бормоқда ва фақат 12 очко жамғарган "Реал"дан ортда қолмоқда.
