Португалиялик мутахассис Рубен Аморимнинг "Манчестер Юнайтед" бош мураббийи лавозимидаги истиқболи ҳақида янги маълумотлар эълон қилинди.
Журналист Семюэль Лакхерстнинг айтишича, "Манчестер Сити"га қарши ўтказилган ўйинда йирик ҳисобда мағлубиятга учрашига қарамай, Аморим ҳамон "Манчестер Юнайтед" раҳбариятининг ишончини сақлаб қолмоқда. Шу билан бирга, "қизил иблислар"га яқин манба Аморимнинг клубдаги ўрни нима учун ҳали ҳам хавф остида эмаслигини тушунмаслигини тан олади.
Тўрт тур натижаларига кўра, "Манчестер Юнайтед" 4 очко тўплаб, Англия чемпионати турнир жадвалида 14-ўринни эгаллаб турибди.













