Ламин Ямал "Барселона" шифохонасига тушиб қолди. Истеъдодли вингер Ла Лига доирасида "Валенсия"га қарши ўйинни ўтказиб юборди ва Чемпионлар Лигасида "Ньюкасл"га қарши ўйнамайди.

Шанба кунги матбуот анжуманида "Барселона" устози Ханс-Дитер Флик Испания терма жамоасини танқид қилди. Немис мураббийи терма жамоадагилар сентябрь ойида Ямалга кўп ўйин дақиқалари берганидан шикоят қилди, гарчи у футболчининг муаммолари ҳақида билган бўлса ҳам.

Marca нашрининг хабар беришича, "Барселона" спорт директори Деку эндиликда Испания Қироллик футбол федерацияси техник директори Аитор Каранка билан музокара ўтказмоқчи. Музокаралардан мақсад - клуб ва терма жамоа ўртасидаги алоқа протоколларини яхшилаш.