"Реал" футболчилари ҳакамлар уларга нисбатан нохолис муносабатда бўлмоқда, деб ҳисобламоқда.
Ла Лига 4-туридан ўрин олган "Реал Сосьедад"га (2:1) қарши баҳсда мадридликлар ҳимоячиси Дин Хейсен майдон марказида қарши ҳужумни тўхтатгани учун майдондан четлатилди.
Marca нашрининг ёзишича, "қаймоқранглилар" футболчилари дарвозагача бўлган масофа ва унинг ёнида яна бир ҳимоячи Эдер Милитао борлигига қарамай, ҳакам Хесус Хиль Мансано ҳеч иккиланмай қизил карточка тўғрисида қарор қабул қилганидан ҳайрон бўлишган.
"Реал" футболчилари орасида ўз жамоасини қаттиқроқ жазога тортишаётгани, бошқа чемпионликка даъвогарларга эса юмшоқроқ муносабатда бўлишаётгани ҳақидаги фикрлар тобора кўпайиб бормоқда. Уларнинг фикрича, турли клублар ўйинларидаги бир хил эпизодлар турлича талқин қилинади.
