"Ливерпул" қанот ҳужумчиси Муҳаммад Салоҳ Англия Премьер-Лигаси 4-туридан ўрин олган "Бёрнли"га (1:0) қарши ўйиндан кейин мерсисайдликларнинг янги ўйинчилари ҳақида фикр билдирди. Мисрлик футболчи ўйин қайдномасида ҳужумчи Александр Исакнинг йўқлигига ҳам муносабат билдирди. Швециялик футболчи "қизиллар" сафига "Ньюкасл"дан 125 млн фунт (145 млн евро) эвазига ўтди.
"Бизга кучли рақиб қаршилик қилди. Биз кучимиз борича чизиқлар орасида ўйнашга ҳаракат қилдик, аммо ғалаба қозониш қийин бўлди. Якунда ғалаба қозонишга муваффақ бўлганимиздан хурсандман.
Ўйинчилар бизнинг схемамизга мослашмоқда. Бизда бошланғич таркибда бир нечта янги ўйинчилар бор эди. Уларни жамоамиз ўйинига қўшиш учун вақт керак. Улар ўйинда ўзларини қулай ҳис қилишлари учун ҳаракат қиламиз. Алекс [Исак] ўтган ҳафта келди ва у жамоага секин мослашиб олади. Биз мувозанатни топишга ҳаракат қиляпмиз.
Биз таслим бўлмаймиз. Шунчаки боримизни беришга ҳаракат қиляпмиз," - дея Салоҳнинг сўзларини келтиради "Ливерпул" расмий сайти.
