«Монако» ҳужумчиси Радамель Фалькао янги мавсум олдидан ўз фикрларини билдириб ўтди.
«Кўпчилик Европа чемпионлар лигасида иштирок этмайдиган жамоа таркибига бориб қўшилишимни кутилмаган ҳол сифатида баҳолади. Аммо биз келаётган мавсумда Чемпионлар лигаси йўлланмасини қўлга киритиш учун ғалабаларни қўлга киритишга ҳаракат қиламиз».
«Жуда кўпчилик бизнинг ғоямизни муваффақиятсизликка йўймоқда. Аммо «Монако» совринларни юта бошлаганидан кейин жуда кўпчиликнинг фикри ўзгаради», дея Фалькаонинг сўзларидан иқтибос келтирмоқда «France Football».













