Испания терма жамоаси, "Манчестер Юнайтед" ва Лондоннинг "Челси" клуби собиқ ярим ҳимоячиси Хуан Мата Австралиянинг "Мельбурн Виктори" клубига ўтиши ҳақида гапирди.
Унинг аввалги клуби "Вестерн Сидней" эди.
"Мен бу трансфердан ва лиганинг энг катта клубларидан бирининг бир қисми бўлиш имкониятидан хурсандман. Менда ҳали ҳам мотивация бор, жамоа билан кубокларни ютишни истайман," - дея испаниялик 37 ёшли вингернинг сўзларини келтиради клуб матбуот хизмати.
Мата "Вестерн Сидней" таркибида Австралия чемпионатининг 23 та ўйинида иштирок этган. Тажрибали испаниялик ярим ҳимоячи битта гол ва учта голли узатмага муаллифлик қилди.
