«Насаф» бош мураббийи Рўзиқул Бердиев Элит Чемпионлар лигаси доирасида "Ал-Аҳли"га қарши бўлиб ўтган ўйин борасида ўз фикрини билдириб ўтди.
«Дарвозабон рақиб ҳужумчиси олдига чиқиб тўпни бериб қўймаслиги керак эди. Шу хатоси сабаб ҳисоб ўзгарди, — деди Бердиев. — Иккинчи бўлимда рақиб ўйинга қайтди, чарчоқ ҳам футболчиларимизга таъсир қилди. Рақибимиз жуда кучли эди.
Бугун тўртта гол ўтказдик. ОФК Чемпионлар лигаси билан маҳаллий чемпионатимиз орасида катта фарқ бор. Ушбу мусобақада иштирок этаётган жамоалар ва футболчилар сифати маҳаллий лигамиздагидан анча юқори».













