"Марсель" бош мураббийи Роберто Де Дзерби Чемпионлар лигаси доирасидаги "Реал"га қарши ўйин олдидан матбуот анжуманида қатнашди.
У ерда италиялик мураббий ёзда мадридликлар ярим ҳимоячиси Дани Себальоснинг Лига 1 клубига ўтмаслик қароридан ҳафсаласи пир бўлганини айтди.
"Себальос - ажойиб футболчи ва яхши инсон. У бизга ўтмади ва биз бундан афсусдамиз. У катта жамоада ўйнайди, аммо ноёб имкониятни қўлдан бой берди, чунки "Марсель" - ўзига хос клуб. Лекин мен уни муҳаббат билан кутиб оламан. Биз бошқа иқтидорли футболчиларни ўз сафимизга қўшиб олдик", - деди Де Дзерби.
