Грециянинг ПАОК клуби ҳужумчиси Василиос Пападопулос тез орада "Штутгарт" аъзосига айланиши мумкин. Бу ҳақда MetroSport хабар берган.
Ўйинчининг отаси ҳамда унинг агенти немис клуби вакиллари билан учрашгани айтилмоқда. Манбанинг маълумот беришича, музокаралар якунланиш арафасида турибди.
18 ёшли Пападопулос Греция чемпионатининг ўтган мавсумида майдонда 8 дақиқа ҳаракат қилган, холос. У шунингдек Греция ўсмирлар терма жамоаси сафида ҳам 4 ўйинда майдонга тушган бўлиб, 2та гол муаллифи бўлган.