"Интер Майами" ҳужумчиси Лионель Месси МЛС ўйинида жамоасига "Сиэтл Саундерс"ни мағлуб этишга ёрдам берди (3:1).
Учрашувнинг 12-дақиқасида 38 ёшли футболчи Жорди Альбага ассистентлик қилган бўлса, 41-дақиқада ўзи дарвозани ишғол қилди. Финал ҳуштагидан сўнг аргентиналик учрашувнинг энг яхши футболчиси совринини қўлга киритди. Юлдуз ўйин давомида нафақат иккита голда иштирок этди, балки бешта дриблинг амалга оширди, шунингдек, жамоадошлари учун тўртта вазият яратди.
Лионел Месси МЛСнинг жорий мавсумида 21 та учрашувда 20 та гол урди ва 9 та голли узатмани амалга оширди.













