Лондоннинг “Арсенал” клуби собиқ футболчиси Самир Насри кеча "Реал"нинг “Марсель” жамоасига қарши кечган Чемпионлар лигаси умумий босқичи доирасидаги ўйинда белгиланган пенальти ҳақида гапирди.
"Бундай пенальтиларни бериб бўлмайди. Ҳакам нега 11 метрни кўрсатганини тушунолмаяпман. Пенальти йўқ эди. Менимча, бу жанжал бўлиши мумкин", - дея изоҳ берди собиқ футболчи.













