Европанинг 14 та мамлакати УЕФА йиғилишида Россия қайтишига қарши чиқди.
Қатор Европа давлатлари Европа футбол ассоциациялари иттифоқи ижроия қўмитаси йиғилишида Россиянинг халқаро турнирларга қайтишига кескин қарши чиқди.
11 сентябрь куни Тиранада УЕФА ижроия қўмитаси йиғилиши бўлиб ўтди. Россиянинг қайтишига Украина, Латвия, Литва, Эстония, Дания, Польша, Франция, Нидерландия, Германия, Англия, Шотландия, Ирландия, Исландия, Бельгия қарши чиқди.
Энг қатъий позицияни Польша ва Болтиқбўйи давлатлари эгаллади: улар Россияни умуман УЕФАдан четлатишни истамоқда.
Россия терма жамоаси ва рус клублари 2022 йил феврал ойидан халқаро мусобақалардан четлатилган. Клублар Чемпионлар Лигаси, Конференциялар Лигаси, Европа Лигасида қатнашиш ҳуқуқига эга эмас. Эркаклар терма жамоаси эса Жаҳон чемпионати — 2022 саралашидан маҳрум қилинган.
Шунингдек, Евро-2024 ҳам ўтказиб юборилди, 2026 йил Жаҳон чемпионати (АҚШ, Канада ва Мексикада бўлиб ўтади) қуръасига ҳам россиялик футболчилар қўйилмади.
Миллий жамоа фақатгина ўртоқлик ўйинлари ўтказиши мумкин.













