Медхи Бенатия "Марсель" - "Реал" учрашувида белгиланган иккинчи пенальтидан норози.
Чемпионлар лигасининг 1-турида Мадрид клуби ғалаба қозонди (2:1). "Реал"нинг иккала голи ҳам пенальтидан киритилди, Килиан Мбаппе иккита гол урди.
Иккинчи пенальти 79-дақиқада Винисиус Жуниордан тўпни олиб қўйишга уринган Факундо Мединанинг қўлига текканидан кейин белгиланди.
"Бу бироз қаттиқ пенальти. Бу ўйлаб топилган пенальти демоқчи эмасман, чунки биз қўл ва тўп ўртасида алоқа борлигини кўряпмиз. Лекин ўйинчи "подкат" ташлаганди, у тўпга ўйнаганди...
Кўряпмизки, у тўпга ўйнаган, ерга тушганида эса тўп унинг қўлига енгил тегиб кетган. Менимча, бу жуда кескин пенальти. Мен хато қилган бўлишим мумкин, аммо бундай мағлубият бироз ғазаблантиради", — деди "Марсель" спорт директори.
