"Ливерпул" бош мураббийи Арне Слот Мадриднинг "Атлетико" клубига қарши баҳсда (3:2) дебют қилган Александр Исакнинг ўйинига баҳо берди.
Швециялик футболчи "қизиллар" сафида асосий таркибда майдонга тушди ва 58-дақиқагача ўйнади, шундан сўнг унинг ўрнига Уго Экитике майдонга тушди.
"Менга бугунги ўйинда Исакнинг ҳаракатлари ёқди. У жамоа билан атиги бир-икки ҳафта шуғулланган бўлса-да, формасини тиклаб олди. Гап шундаки, у футбол ўйнашни билади. Бу мени ажаблантирмайди, лекин унинг ҳозирги формаси ҳақиқатан ҳам кутганимдан ҳам аъло бўлди. Бироқ, мухлислар Александрдан бирданига ҳамма нарсани кутмасликлари керак: биз ҳафтасига уч марта ўйнаймиз - бу ҳали ҳам у учун жуда кўп," - деди у TNT Sport билан суҳбатда.
