"Бавария" ҳужумчиси Харри Кейн жорий мавсумда ажойиб сермаҳсуллик намойиш этмоқда.
Англиялик футболчи Чемпионлар лигасининг кечаги "Челси"га қарши ўйинида 27 ва 63-дақиқаларда гол уриб, дублга эришди. Ҳужумчининг ҳисобида жорий мавсумда мюнхенликлар сафида 6 та ўйинда 10 та гол ва 3 та голли узатма мавжуд. Ўртача ҳар бир ўйинда иккитадан ортиқ самарали ҳаракатлар.
Харри Кейн 2023 йилнинг ёзида "Тоттенхэм"дан "Бавария"га кўчиб ўтганди. Июль ойида англиялик юлдуз 32 ёшга тўлди.
Кейн ўтган мавсумда Чемпионлар Лигасида 13 та ўйинда 11 та гол урган.













