Англиялик машҳур собиқ ҳужумчи Алан Ширер "Барселона" вингери Ламин Ямал ҳақида фикр билдирди.
"Кўк-анорранглилар" Чемпионлар лигасининг навбатдаги турида "қарғалар"га қарши ўйинда 18 ёшли юлдузсиз ўйнашига тўғри келади. Футболчи Испания терма жамоаси сафида жароҳат олганди.
"Ямал - ақл бовар қилмайдиган футболчи, ўзига хос. Мен унинг ўйинини кўп марта кўрганман ва унинг атрофидаги барча шов-шувлар ўзини оқлайди. Ҳеч ким ҳеч кимга жароҳат тиламайди, аммо Ямалнинг йўқлиги "Ньюкасл" учун плюс бўлади. Умид қиламанки, Ламин ушбу ўйиндан сўнг дарҳол қайтади ва ўзининг ажойиб истеъдодини намойиш этишда давом этади," - дея Ширернинг сўзларини келтиради инглиз ОАВ.
