Мюнхеннинг “Бавария” клуби бош мураббийи Венсан Компани Чемпионлар лигасида “Челси”ни 3:1 ҳисобида мағлуб этишига ёрдам берган ҳужумчи Харри Кейн ҳақида гапирди.
"Ҳамма билган нарса ҳақида гапиришдан маъно йўқ. Мен фақат бир нарсани айтишим мумкин: Кейннинг тўпсиз қандай ишлашига қаранг.
У қандай босим ўтказаётганига, жамоага ёрдам беришига ва тўпни қайтариб олишига қаранг. У қанча куч сарфлаётганини ҳисобга олсак, голлар уриши ҳам табиий.
Истеъдод ва маҳорат ҳақида хоҳлаганингизча гапиришингиз мумкин", - деди Компани.
