"ПСЖ" бош мураббийи Луис Энрике нима учун 19 ёшли ярим ҳимоячи Сенни Меюлюни Чемпионлар Лигаси доирасида "Аталанта"га қарши ўйинда ҳужумчи сифатида майдонга туширишга қарор қилганига жавоб берди.
Умумий босқичнинг 1-тур учрашуви парижликларнинг йирик 4:0 ҳисобидаги ғалабаси билан якунланди.
"Биз "Аталанта" прессинг қилишини кутгандик, шунинг учун ҳужумчи позициясига Сенни Меюлюни туширишга қарор қилдик. У жуда ҳаракатчан, рақиб орқасидан югура олади, шунингдек, тўп билан жуда яхши ҳаракат қилади, бу бизга катта ёрдам берди", - дея Энрикенинг сўзларини келтиради PSG Report.
Жорий мавсумда Меюлю барча мусобақаларда иккита ўйинда майдонга тушди.
