Машҳур мураббий Жозе Моуриньо ўзини яна янги ишда синаб кўради. Пайшанба куни "Бенфика" "Special One" билан шартнома имзолаганини эълон қилди. Келишув 2027 йилнинг ўрталарига қадар мўлжалланган, аммо келгуси ёзда иккала томон ҳам ҳамкорликни тўхтатиш ҳуқуқига эга бўлади.
Моуриньо Лиссабондаги илк матбуот анжуманида "Фенербахче"ни қабул қилиш хато қарор бўлганини айтди. Ёз охирида у турк клубидан ишдан бўшатилди.
"Фенербахче"га ўтишда хато қилдим, аммо охирги кунгача боримни бердим. "Бенфика"га келсак, мураббийлик фаолиятимда ҳеч қайси клубим мени ҳозиргидек руҳлантирмаган", - дейди Моуриньо.
