Ўзбекистон U-16 терма жамоаси Черногорияга қарши ўртоқлик учрашувини ўтказди.

Ўйиннинг дастлабки дақиқалари жамоамиз учун бирoз оғир бошланди – 24-дақиқада Черногория ҳисобни очди. Шундан сўнг Ўзбекистон U-16 терма жамоаси ташаббусни қўлга олишга интилди, аммо танаффусгача ҳисоб ўзгармади.

Иккинчи бўлимда футболчиларимиз анча фаол ҳаракат қила бошлашди. 56-дақиқада Абдураимовнинг голига гувоҳ бўлдик – ҳисоб тенглашди. Бироқ 63-дақиқада мезбонлар яна олдинга чиқиб олишди.

Шу дақиқалардан бошлаб мураббийлар кетма-кет ўзгаришлар киритишди ва бу қарор ўзини оқлади. 71-дақиқада майдонга янги тушган Алиев дарҳол ҳисобни 2:2 қилди. Орадан кўп ўтмай, 82-дақиқада айнан ўша Алиев иккинчи голини ҳам уриб, жамоамизни олдинга олиб чиқди.

Қизғин ўтган охирги дақиқаларга қарамай, натижа ўзгармади – Ўзбекистон U-16 терма жамоаси сафарда иродали ғалабани қўлга киритди.

U16 ўртоқлик ўйини
Черногория - Ўзбекистон - 2:3
Голлар: Черногория 24’, 63’ — Абдураимов 56’, Алиев 71’, 82’.