"Ньюкасл" бош мураббийи Эдди Хау Чемпионлар Лигаси доирасидаги "Барселона"га қарши ўйинда (1:2) ўтказиб юборилган голлар ҳақида гапирди.

"Кўк-анорранглилар"га ғалабани англиялик Маркус Рэшфорднинг дубли келтирди. 58 ва 67-дақиқаларда вингер ўз ҳисобига гол ёздириб қўйган бўлса, мезбонлар бунга Энтони Гордоннинг 90-дақиқадаги голи билан жавоб қайтарди.

"Ўйлашимча, биз ҳимояда, айниқса, биринчи голдан кейинги эпизодда яхшироқ ўйнашимиз мумкин эди. Иккинчи гол - Рэшфорднинг ақл бовар қилмас зарбаси, аммо ўша вазиятда унинг тўпни қабул қилиб олишига тўсқинлик қилмаганимиздан ҳафсалам пир бўлди," - дея Хаунинг сўзларини келтиради The Touchline.