"Наполи" бош мураббийи Антонио Конте Чемпионлар Лигаси доирасидаги "Манчестер Сити"га (0:2) қарши ўйинда Кевин де Брюйнени нега алмаштиришга қарор қилгани ҳақида гапирди.
Бельгиялик футболчининг "Этиҳад"га қайтиши ўзи учун яхши бўлма, аммо бунда футболчининг ўзи айбдор эмас. 21-дақиқада Жованни ди Лоренцо майдондан четлатилди, 26-дақиқада эса неаполликлар бош мураббийи де Брюйне ўрнига ҳимоячи Матиас Оливерани майдонга туширишга мажбур бўлди.
"Менда бошқа вариант йўқ эди. Кевинга жуда, жуда ачинаман, ахир у аввалги жамоасига қарши ўйнаётгади, лекин у ҳаммасини жуда яхши тушунди. Бу ҳозирги вазиятда мумкин бўлган ягона ҳаракат эди," - деди Конте TNT Sports’га берган интервьюсида.
