"Барселона" бош мураббийи Ханс-Дитер Флик ёзги трансферлар вақтида Маркус Рэшфордни ўз сафига қўшиб олишни талаб қилганини эслади.

Каталония гранди инглиз вингерини июль ойида "Манчестер Юнайтед"дан ижарага олган эди. Пайшанба куни 27 ёшли футболчи "кўк-анорранглилар" сафида илк бор гол урди, шу билан бирга бирданига икки марта - унинг дубли Чемпионлар Лигаси умумий босқичининг биринчи турида "Ньюкасл" устидан ғалаба келтирди (2:1).

"Ёзда Декуга: "Илтимос, менга Рэшфорд каби футболчини олиб кел," дедим. У шу ерда эканидан жуда хурсандман," - дея Фликнинг сўзларини келтиради Barca Universal.