"Наполи" бош мураббийи Антонио Конте Чемпионлар Лигаси доирасидаги "Манчестер Сити"га қарши ўйиндаги мағлубият (0:2) ҳақида гапирди.
Италиянинг амалдаги чемпиони 21-дақиқада бир киши кам бўлиб қолди - жамоа сардори Жованни ди Лоренцо майдондан четлатилди. Меҳмонлар танаффусдан кейин иккита тўп ўтказиб юборишди.
"Манчестер Сити"га қарши тенг таркибда ўйнаш қийин, агар 20-дақиқада бир киши кам бўлиб қолсанг, ғалабанинг иложи йўқ. Биз жуда яхши ҳимояландик, аммо голли вазиятларда ўзимизни яхшироқ кўрсатишимиз мумкин эди. Аммо футболчиларга эътирозим йўқ - кайфият ва фидойилик муносиб даражада эди. Менимча, 11 га 11 ўйинида ҳаммаси бошқача бўлиши мумкин эди. Бизга фантастик жамоа қарши турди. Энди кейинги ўйин ҳақида ўйлаш керак," - дея Контенинг сўзларини келтиради ВВС.
