"Барселона" Чемпионлар лигаси 1-турида "Ньюкасл" меҳмони бўлиб, Маркус Рэшфорднинг дубли эвазига ғалаба қозонди. Бу инглизнинг "кўк-анорранглилар" сафидаги илк голлари бўлди. Ўйиндан кейин жамоа бош мураббийи Ханс-Дитер Флик Рэшфорднинг ўйини ҳақида фикр билдирди.
"Биз машғулотларда доим Рэшфорднинг қобилиятини кўрамиз, бугун эса уни ўйинда кўрдик. Мен у учун хурсандман. Ҳужумда яхши ўйинчиларимиз кўп, Рэшфорд улардан бири. У бизда борлигидан хурсандман. У бизга ўйин давомида кўпроқ имкониятлар беради. Бу ажойиб.
Бу дубль Рэшфорднинг янги даражага кўтарилишига ёрдам беради. У ўзига ишониши ва ўзини яхши ҳис қилиши жуда муҳим," - деди Флик TNT Sports нашрига.
"Барселона" навбатдаги ўйинини 21 сентябрь, якшанба куни Ла Лига доирасида "Хетафе"га қарши ўтказади.
