Маркус Рэшфорд "Барселона"нинг Чемпионлар лигаси доирасида "Ньюкасл"га қарши ўйинида дубль қайд этди. Англиялик футболчи икки бор - 58 ва 67-дақиқаларда гол урди. Умуман олганда, "Манчестер Юнайтед" тарбияланувчиси бутун фаолияти давомида "ҳаккалар" дарвозасига еттита гол урган - у бундан кўпроқ фақат "Лестер"ни (саккиз марта) хафа қилган, деб ёзади Opta. Шунингдек, футболчи "Манчестер Сити" ва "Ливерпул"га ҳам 7 тадан гол урган.
"Барселона" Маркус Рэшфордни ёзда "Манчестер Юнайтед"дан жорий мавсум якунига қадар ижарага олган эди. Бугунги голлар 27 ёшли футболчи учун "кўк-анорранглилар" сафида расмий учрашувлардаги илк голлари бўлди.
