"Ньюкасл" бош мураббийи Эдди Хау Чемпионлар лигасида "Барселона"дан учралган мағлубиятдан (1:2) кейинги таассуротлари билан ўртоқлашди.
"Хафсалам пир бўлди. Биз ўйинда эдик. "Барселона"дан ортда қолаётганимизни ҳис қилмагандим. Биринчи бўлиб гол ура олмаганимиз жуда ачинарли, ахир охир-оқибат айнан шу нарса ҳаммасини ҳал қилди. Жамоа фидокорона ҳаракат қилди, лекин қаердадир ғалабага эришиш учун маҳорат етишмагандир. Вазиятларни қўлдан чиқардик, "Барселона" каби рақиблар билан ўйинларда эса имкониятлар кўп бўлиши мумкин эмас. Яхши ҳаракат, муносиб уриниш. Биз охиригача курашдик," - деди Хау TNT Sports’га берган интервьюсида.
