Мадриднинг "Реал" клуби бош мураббийи Хаби Алонсо "Атлетико" устози Диего Симеоне билан содир бўлган ҳолатга изоҳ берди.
Эслатиб ўтамиз, Чемпионлар лигаси доирасидаги "Ливерпуль"га (2:3) қарши ўйиннинг сўнгги дақиқасида Диего Симеоне ўзини ҳақорат қилган мухлислардан бири билан муштлашишига оз қолганди.
"Идеал дунёда биз бундай вазиятлардан азият чекмаслигимиз керак. Афсуски, ҳозир бу билан бир амаллаб яшаш керак, акс ҳолда нохуш ҳолатларга олиб келиши мумкин. Ҳақорат билан боғлиқ ҳолатлар аллақачон назоратдан чиқиб кетган," - деди Алонсо журналистларга.
20 сентябрь куни "Реал" "Эспаньол"ни қабул қилади.
