"Манчестер Юнайтед" шанба куни Премьер-лига доирасидаги "Челси"га қарши уй учрашувини ўтказади.
Лондонликлар сафида Рубен Аморимга керак бўлмай қолган Алехандро Гарначо майдонга тушиши кутилмоқда. Португалиялик мураббий матбуот анжуманида Гарначо ҳақида гапиришдан бош тортди.
"Гарначонинг "Олд Траффорд"га қайтиши? Бу бизнинг ўйинчимиз эмас. Мен эътиборимни футболчиларимизга қаратганман. Маунт ва Куньянинг қайтганидан хурсандман. Қолган масалаларни "Челси" бош мураббийи билан муҳокама қилганингиз маъқул", - деди Аморим.
"Манчестер Юнайтед" – "Челси" учрашуви 20 сентябрь куни Тошкент вақти билан соат 21:30да старт олади.













