"Барселона" ярим ҳимоячиси Педри ўзининг энг қийин рақиби ким эканини айтди. Испаниялик футболчи "Ливерпуль" марказий ҳимоячиси ва сардори Виржил ван Дейкни эътироф этди.
"Мен дуч келган энг қийин рақиб? Ван Дейк. Телевизор экранида у жуда катта кўринади, аммо майдонда у янада каттароқ ва кучлироқ экан. Яқинда терма жамоада унга қарши ўйнадим - бу ҳимоячидан ўтиб кетиш жуда қийин," - дея Педрининг сўзларини келтиради The Touchline.
Март ойида Испания ва Нидерландия терма жамоалари Миллатлар лигаси чорак финалида икки марта тўқнаш келди. Икки ўйин натижасига кўра 5:5 ҳисобидаги дурангдан сўнг "қизил фурия" пенальтилар сериясида устун келди.
