Стивен Жеррард тез орада мураббийлик фаолиятига қайтиши мумкин. 45 ёшли мураббийга Чемпионшипнинг янги вакили "Рексхэм" даъвогарлик қилмоқда. Sun Sport нашри тарқатган хабарга кўра, Уэльс клуби "Ливерпуль" афсонасини ҳозирда жамоа бошқарувида ишлаётган Фил Паркинсон ўрнига тайинлаш ҳақида жиддий ўйламоқда.
Жеррард январь ойида "Ал Иттифоқ"ни тарк этганидан бери ишсиз. Саудия Арабистонида инглиз бир ярим йил давомида мураббийлик қилди.
"Рексхэм" Чемпионшип турнир жадвалида 21-ўринни эгаллаб турибди. Жамоа ҳисобида 5 турдан сўнг 4 очко мавжуд.













