"Челси" бош мураббийи Энцо Маресканинг фикрича, жамоага янги келган Эстевао Виллиан Коул Палмердан кўп нарса ўрганиши мумкин.
18 ёшли бразилиялик футболчи июль ойида "Палмейрас"ни тарк этиб, Лондон клубига ўтган эди. Вингер "кўклар" сафида тўртта ўйинда майдонга тушиб, битта голли узатмага муаллифлик қилишга улгурди.
"Шубҳасиз, Палмер ҳали мослашиши ва кўп нарсани тушуниши керак бўлган Эстеваога йўл кўрсатиши мумкин. Коул унга бу борада ёрдам бера олади," - дея Маресканинг сўзларини келтиради Sky Sports.
Шанба куни "Челси" Премьер-лига доирасида сафарда "Манчестер Юнайтед"га қарши баҳс олиб боради. Беллашув Тошкент вақти билан 21:30 да бошланади.













