"Вулверхэмптон" ҳужум чизиғи етакчиси Йорген Странд Ларсен билан шартномани узайтиргани мухлисларни хурсанд қилди. Тегишли маълумот "бўрилар" расмий сайтида пайдо бўлди.
Марказий ҳужумчи инглиз клуби билан 2030 йилгача мўлжалланган янги меҳнат шартномасини имзолади. Шунингдек, бир йилга узайтириш имконияти ҳам мавжуд.
Норвегия терма жамоаси футболчиси ўтган мавсумда "Вулверхэмптон" сафида барча турнирлар доирасида 38 та ўйинда майдонга тушиб, 14 та гол ва 5 та голли узатмани ўз ҳисобига ёздириб қўйган. Англия чемпионатининг 4 туридан сўнг унинг жамоаси бирорта ҳам очко тўплай олмай, турнир жадвалида сўнгги ўринни эгаллаб турибди.
