"Vulverxempton" hujum chizig‘i yetakchisi Yorgen Strand Larsen bilan shartnomani uzaytirgani muxlislarni xursand qildi. Tegishli ma’lumot "bo‘rilar" rasmiy saytida paydo bo‘ldi.

Markaziy hujumchi ingliz klubi bilan 2030 yilgacha mo‘ljallangan yangi mehnat shartnomasini imzoladi. Shuningdek, bir yilga uzaytirish imkoniyati ham mavjud.

Norvegiya terma jamoasi futbolchisi o‘tgan mavsumda "Vulverxempton" safida barcha turnirlar doirasida 38 ta o‘yinda maydonga tushib, 14 ta gol va 5 ta golli uzatmani o‘z hisobiga yozdirib qo‘ygan. Angliya chempionatining 4 turidan so‘ng uning jamoasi birorta ham ochko to‘play olmay, turnir jadvalida so‘nggi o‘rinni egallab turibdi.