"Тоттенхэм" мавсумни яхши бошлади ва тўрт турдан сўнг Премьер-лига турнир жадвалида учинчи ўринни эгаллаб турибди. Бироқ, лондонликлар бош мураббийи Томас Франк ҳозирча вазиятни баҳолашга шошилмаяпти.
"Қачон жадвалга қарайман? Айтайлик, апрелда. Бир-икки марта кўрдим, лекин диққатимни ўзимизга ва ўйинларимизга қаратишга ҳаракат қиламан. Бошқара олмайдиган нарсаларга берилиб кетиш осон. Мухлислар орзу қилишлари ва умид қилишлари мумкин. Мен ҳам орзу қиламан ва умид қиламан, аммо ҳақиқатга тик қараш керак, шунинг учун совуққонликни сақлашим керак," - деди Франк журналистларга.
Англия чемпионати доирасида "Тоттенхэм" 20 сентябрь, шанба куни "Брайтон" меҳмони бўлади.
