Мадриднинг "Атлетико" клуби хўжайинлари жамоанинг назорат пакетини Apollo Global Management компаниясига сотиш бўйича фаол музокаралар олиб бормоқда. Бу ҳақда Испаниянинг Expansion нашри хабар бермоқда.
Америка фирмаси бош директор Мигель Марин ва унинг раиси Энрике Сересога тегишли улушларнинг бир қисмини сотиб олиш орқали клуб устидан назоратни қўлга киритиши мумкин. Битим 2,5 миллиард еврога баҳоланмоқда.
Келишув имзоланиши ҳали кафолатланмаган ва музокаралар барбод бўлиши мумкин, дея таъкидлайди манба. "Атлетико" жамоага сармоя киритиш ва "Метрополитао" стадиони атрофида спорт ва кўнгилочар лойиҳаларни қуриш учун ўз капиталини оширишга ҳаракат қилмоқда.
