Madridning "Atletiko" klubi xo‘jayinlari jamoaning nazorat paketini Apollo Global Management kompaniyasiga sotish bo‘yicha faol muzokaralar olib bormoqda. Bu haqda Ispaniyaning Expansion nashri xabar bermoqda.
Amerika firmasi bosh direktor Migel Marin va uning raisi Enrike Seresoga tegishli ulushlarning bir qismini sotib olish orqali klub ustidan nazoratni qo‘lga kiritishi mumkin. Bitim 2,5 milliard yevroga baholanmoqda.
Kelishuv imzolanishi hali kafolatlanmagan va muzokaralar barbod bo‘lishi mumkin, deya ta’kidlaydi manba. "Atletiko" jamoaga sarmoya kiritish va "Metropolitao" stadioni atrofida sport va ko‘ngilochar loyihalarni qurish uchun o‘z kapitalini oshirishga harakat qilmoqda.
