"Манчестер Юнайтед" бош мураббийи Рубен Аморим жамоанинг бўлажак ўйинлардаги асосий дарвозабони ҳақида ўз фикрлари билан ўртоқлашди.
Сўнгги трансфер ойнасида Андре Онана ўрнига сотиб олинган 23 ёшли Сенне Ламменс "қизил иблислар" сафида ҳали дебют қилганича йўқ. Журналистлар португалиялик мураббийдан Алтой Байиндирнинг бўлажак ўйинларда ўйнашда давом этиши ёки йўқлигини сўрашди.
"Ҳеч кимга сафдан жой кафолатланмаган - ҳамма курашиши керак. Менинг мақсадим - ўйинларда ғалаба қозониш. Ҳар бир ўйиндан олдин мен бизга энг яхши имконият берадиган таркибни танлашга ҳаракат қиламан, шунинг учун жамоа мавсум охирига қадар бошқача кўриниши мумкин. Биз ғалаба қозониш, алоқаларни ўрнатиш ва очколар олиш учун қўлимиздан келганини қилмоқдамиз", - деди Аморим матбуот анжуманида.
